Սեզոնային/ Բացառիկ տուր դեպի ջրաշուշաններ

Ջրաշուշանների լիճ/ Սարատովկա

Ստեփանավանի դենդրոպարկ

Գյուլագարակի եկեղեցի

Տորմակ եկեղեցի

Լոռի բերդ

         Ջրաշուշանները ծաղկում են տարվա մեջ միայն մի կարճ ժամանակահատված` հուլիս ամսվա սկզբին: 

         Քանի որ ջրաշուշաններն արդեն ծաղկել են, ժամանակն է այցելել ջրաշուշանների լիճը՝ տեսնելու համար բնության ստեղծած այս հրաշքը:

          Առաջին կարճ կանգառը կլինի Ապարանի Գնթունիկում, որտեղ կարող ենք գնումներ կատարել կամ սնվել:

Տուրը կսկսենց Դենդրոպարկի այցելությամբ։ Այն հիմնադրվել է 1931 թ.-ին Է. Լեոնովիչի կողմից: Բուսաբանական այգին զբաղեցնում է 35 հա տարածք: Այգու 17,5 հա տարածքը բնական անտառ է, իսկ 15 հա զարդանախշերով ծառեր: Առանձնանում է յուրահատուկ ծառերի իր տեսականիով՝ բերված տարբեր երկրներից:

Տուրի ընթացքում հնարավորություն կունենանք Գյուլագարակում տեսնել Գյուլագարակի անանուն եկեղեցին, որը գտնվում է գյուղի մեջ, կառուցվել է 1874 թ-ին: Այստեղ կտեսնենք նաև Տորմակ եկեղեցին (V-VI դդ.), որը գտնվում է Գյուլագարակ գյուղից մոտ 2 կմ հարավ, Տորմակադուռ (Որմակադուռ) ավերակ գյուղատեղիում: Վաղ միջնադարյան Հայաստանում տարածված` արտաքին սրահով միանավ եկեղեցիներից է: Տորմակ եկեղեցին կիսավեր է:

Այնուհետև կուղևորվենք դեպի «Լոռի Բերդ» պատմամշակութային արգելոցը, որտեղից աննկարագրելի տեսարան է բացվում դեպի կիրճը: Լոռե բերդը կառուցել է Անիի Բագրատունիների` Կյուրիկյան ճյուղի ներկայացուցիչ Դավիթ Անհողին թագավորը (989-1048թթ.) մոտավորապես՝ 1005–1020թթ.:

Տուրի վերջին կանգառը կլինի հմայիչ ջրաշուշանների լիճը, որը գտնվում է Սարատովկայում։ 

Մեկնում՝ 08:00
Վերադարձ՝ 22:00
Մեկնելու վայր՝ Հակոբ Հակոբյան 1/ Մերգելյան ինստիտուտի հարևանությամբ

·