Երկօրյա տուր դեպի Ջավախք

1 օր

•  Ախալքալաքի ամրոց
•  Ախալքալաքի Սուրբ Խաչ եկեղեցի
•  Խերթվիսի բերդ
•  Ախալցխայի Ռաբաթ ամրոց
•  Ընթրիք և գիշերակաց Բակուրիանիում

2 օր

•  Նախաճաշ Բակուրիանիում
•  Բակուրիանիի ճոպանուղի
•  Բորժոմիի ազգային պարկ
•  Բորժոմիի քաղաքային տուր
•  Բորժոմիի ճոպանուղի

Տուրը կսկսենք Ախալքալաքի բերդի այցելությունից, քաղաքում կտեսնենք հայկական Սուրբ Խաչ եկեղեցին: 1830-ական թվականներին եկեղեցին կառուցել են կարինցի գաղթական հայերը սեփական միջոցներով: Հետագայում, 1850- ական թվականներին, ախալքալաքաբնակ Կարապետ Յաղուբյանցի նախաձեռնությամբ հին եկեղեցու տեղում կառուցվել է նոր եկեղեցի: Սուրբ Խաչ եկեղեցին ընդարձակ դահլիճով գմբեթավոր տաճար է:

Տուրի հաջորդ կանգառը կլինի Խերթվիսի բերդը: Գտնվում է համանուն գյուղում, Կուր և Փարվանա (Թափարվան) գետերի միախառնման վայրում, Ախալքալաքից 19 կմ հյուսիս-արևմուտք։ Խերթվիսի բերդը լավ պահպանված բերդերից է, կառուցված է բարձր ժայռաբլրի վրա։ Բերդի հիմնադրումը ավանդաբար վերագրում են պարսկական Կյուրոս արքային (Ք. Ա. 529 թ.): XI դարի վրաց պատմագիր Լեոնտի Մրովելին այն հիշատակում է որպես քաղաք և պատմական Մեսխեթի կենտրոն։ Վրաց աղբյուրներում տեղ գտած մեկ այլ ավանդության համաձայն բերդը դիմագրավել է Ալեքսանդր Մակեդոնացու զորքերին: Խերթվիսի բերդը հիշատակվել է նաև հռոմեական զորավար Պոմպեոսի արշավանքի (Ք. Ա. առաջին դար) ժամանակ:

Խերթվիսից հետո կայցելենք Ռաբաթը: Ախալցխայի գեղեցկուհին՝ Ռաբաթը տեսանելի է քաղաքի ցանկացած անկյունից, այն կանգնած է Փոցխովի գետի ափին գտնվող բլրի վրա: Ռաբաթի անվանումը արաբական ծագում ունի եւ նշանակում է՝ ամրացված վայր: Ամրոցը կառուցվել է 13-րդ դարում: Ռազմական այս շինությունն, ըստ պատմաբանների, մի քանի անգամ փլուզվել է, շրջափակման մեջ է եղել եւ կրում է տարբեր մշակույթների եւ կրոնների հետքերը:

Օրը կավարտենք Բակուրիանիում:

2-րդ օրը կանցկացնենք Բակուրիանիում և Բորժոմիում: Բակուրիանին Վրաստանի ամենահայտնի հանգստավայրերից մեկն է, գտնվում է Բորժոմիի շրջանում: Այն տեղակայված է Տրիալետի լեռնաշղթայի հյուսիսային լանջերին և ծովի մակարդակից բարձր է 1.700մ: Բակուրիանիի շուրջ վեր հառնող լեռները ծածկված են եղևնու անտառներով: Բակուրիանիում կայցելենք բուսաբանական այգին և կնստենք ճոպանուղի:

Տուրի վերջին կանգառը կլինին Բորժոմին, որտեղ կզբոսնենք քաղաքի կենտրոնում և ազգային պարկում, կհամտեսենք տարբեր ջերմաստիճան ունեցող բնական հանքային ջրերը, ճոպանուղով կհասնենք դեպի Բորժոմիի բարձունք/ պլատո:

Մեկնում՝ 06:00

Վերադարձ՝ 24:00

Մեկնելու վայր՝ Հակոբ Հակոբյան 1/ Մերգելյան ինստիտուտի հարևանությամբ