Սաղամո և Փարվանա լճեր, Գանձա, Վ.Տերյանի տուն-թանգարան, Ծալկայի հունական եկեղեցիներ, Դաշբաշի կիրճ

• Սաղամո լիճ

•  Փարվանա լիճ

•  Գանձա, Սբ. Կարապետ եկեղեցի

•  Վ.Տերյանի տուն-թանգարան

•  Դաշբաշի կիրճ/ ապակե կամուրջ, ադամանդաձև բար-ռեստորան, կասկադային ջրվեժ, ճոճանակ անդունդի վրա

•  Ծալկայի հունական եկեղեցիներ

Այս անգամ ուղևորվում ենք դեպի Վրաստան: Ջավախքի բարձրավանդակը հարուստ է մեծ ու փոքր լճերով: Տուրի ընթացքում կտեսնենք քաղցրահամ ջուր ունեցող ձկնառատ  Սաղամո և Փարվանա լճերը, որոնք գրավիչ են տարվա բոլոր եղանակներին: 

Հաջորդ կանգառը Գանձան է, որտեղ կայցելենք Վ.Տերյանի տուն-թանգարանը:   Այստեղ կտեսնենք նաև Սուրբ Էջմիածին մայր տաճարի նմանությամբ XIXդ. կեսերին Վ. Տերյանի պապ Գրիգորի և հոր` Սուքիասի կողմից կառուցված Սբ. Կարապետ եկեղեցին: Սբ. Կարապետի անվամբ օծված եկեղեցին այժմ էլ կանգուն է, անվնաս եւ իրավամբ ներկայանում է իբրև գյուղի ճարտարապետական զարդ:

Տուրի ընթացքում կտեսնենք նաև Ծալկայի 3 հունական եկեղեցիները:

Տուրը կավարտնենք Ծալկայի՝ Դաշբաշի կիրճում վերջերս կառուցված 240 մետրանոց ապակե կամրջի այցելությամբ: Սա հարուստ բնություն ունեցող եզակի էկոտուրիստական ​​վայր է՝ գեղեցիկ տեսարաններով և կասկադային ջրվեժով:  Կամրջի մեջտեղում տեղակայված է ադամանդաձև բար-ռեստորանը՝ դեպի Դաշբաշ բացվող տեսարանով: 1,5 կմ երկարությամբ արահետը տանում է դեպի կիրճը և կասկադային ջրվեժը: Ապակե կամրջով զբոսնելուց հետո քայլարշավի սիրահարները կարող են իջնել դեպի ջրվեժ  և հիանալ բնությամբ: Առավել համարձակները և սուր զգացողությունների սիրահարները կարող են օգտվել հեծանվային զիփլայնից կամ անդունդի եզրին գտնվող  ճոճանակից:    

Մեկնում՝ 07:00

Վերադարձ՝ 23:59

Մեկնելու վայր՝ Հակոբ Հակոբյան 1/ Մերգելյան ինստիտուտի հարևանությամբ