Արփի լիճ / երկօրյա տուր

• Աղձքի Արշակունիների դամբարան
• Դաշտադեմի ամրոց
• «Արփի լիճ» ազգային պարկ
• Հանգիստ և խորոված փարթի լճի ափին
• Գիշերակաց հյուրանոցում՝ «Արփի լիճ» ազգային պարկում

1 օր՝

• Աղձքի Արշակունիների դամբարան
• Դաշտադեմի ամրոց
• «Արփի լիճ» ազգային պարկ
• Հանգիստ և խորոված փարթի լճի ափին
• Գիշերակաց հյուրանոցում՝ «Արփի լիճ» ազգային պարկում

2 օր՝

• Նախաճաշ հյուրանոցում՝ «Արփի լիճ» ազգային պարկում
• Զբոսանք լճի ափին և անտառում
• Մարմաշենի վանական համալիր
• Ճաշ Պոնչիկ-Մոնչիկում
• Գյումրի քաղաքային տուր
• Վերադարձ Երևան

1 օր

Տուրի առաջին կանգառը Աղձքում գտնվող Արշակունիների դամբարանն է: Արշակունի թագավորների աճյունը ամփոփված է եղել Աղձքի արքայական դամբարանում, որը թվագրված է 4-րդ դարի երկրորդ կեսով։ Իսկ 5-րդ դարում դամբարանին կից կառուցվել է բազիլիկ եկեղեցի, որը վերակառուցվել է 19-րդ դարում։

Այնուհետև կուղևորվենք դեպի Դաշտադեմի ամրոց: Ամրոց-համալիրը ներառում է միջնաբերդ-դղյակը, դղյակը բոլորող աշտարակավոր պարսպապատը, ամրոցապարիսպը, եկեղեցին, գաղտնուղին, ջրավազանները և այլ կառույցներ:

Ճանապարհը կշարունակենք դեպի «Արփի լիճ» ազգային պարկ, որը բաղկացած է արևմտյան, արևելյան, Արդենիսի, Ալվարի և Ախուրյանի կիրճ տեղամասերից:

Լճի ափին կպատրաստենք ձկան և խոզի խորոված, կճաշենք և կհանգստանանք: Կարելի է նաև զբոսնել անտառում և զբաղվել ձկնորսությամբ:

Կգիշերենք ազգային պարկի տարածքում գտնվող հյուրանոցում:

2 օր

Օրը կսկսենք նախաճաշից, հետո կզբոսնենք Արփի լճի ափին:

Այնուհետև կուղևորվենք դեպի Մարմաշենի վանական համալիր, որը հայկական ճարտարապետության լավագույն հուշարձանախմբերից է, եղել է միջնադարյան Հայաստանի մշակութային և կրոնական նշանավոր կենտրոն: Իր ճարտարապետական հորինվածքով նմանվում է Անիի Մայր տաճարին: Մարմաշենը X դ. վերջի հայ միջնադարյան ճարտարապետության վառ օրինակն է:

Կայցելենք նաև Վահրամաբերդը, «Հեղնար աղբյուր» հուշակոթողը և Ախուրյան գետը: Ճանապարհը կշարունակենք դեպի Գյումրի քաղաք, որտեղ մեզ սպասում են բազմաթիվ տեսարժան վայրեր: Ունենալով երեքհազարամյա պատմություն և լինելով Հայաստանի ամենահին բնակավայրերից մեկը՝ Գյումրին մի արտասովոր վայր է: Գյումրին այն եզակի հայկական քաղաքներից է, որտեղ դեռ պահպանել է 19-րդ դարի ճարտարապետության ոգին:

Գյումրիում կայցելենք՝

• Յոթ Վերք եկեղեցին
• Սուրբ Ամենափրկիչ եկեղեցին
• Սբ. Գրիգոր Լուսավորչի Եկեղեցին
• Աբովյան փողոցը, որը քաղաքի հին մասն է, այստեղ պահպանվել է 19-րդ դարի ճարտարապետության ոգին: Այստեղ են գտնվում հին բաղնիքը, տիկնիկային թատրոնը, Գեղարվեստի ակադեմիան, շենքերը, որտեղ ապրել են նշանավոր մարդիկ: 
• Վարպետաց փողոցը, որտեղ կայցելենք Շիրազի, Իսահակյանի, Մհեր Մկրտչյանի թանգարանները: 
• Մարիամ և Երանուհի Ասլամազյան քույրերի պատկերասրահը:
• Կայցելենք նաև Հաղթանակի փողոցը, որտեղ գտնվում է Մերկուրովի տուն- թանգարանը, Ձիթողցոնց տուն-թանգարանը և Սրբոց Նահատակաց կաթոլիկ եկեղեցին:

Ճանապարհը կշարունակենք դեպի ռուսական եկեղեցի (Պլպլան Ժամը), այնտեղից կուղևորվենք դեպի «Մայր Հայաստան-Սև բերդ» ռեկրեացիոն գոտին:

Մեկնում՝ 17.09 08:00

Վերադարձ՝ 18.09

Մեկնելու վայր՝ Հակոբ Հակոբյան 1/ Մերգելյան ինստիտուտի հարևանությամբ