Խաղողի բերքահավաք գինու հյուրասիրություն Էջմիածնի Սբ․ Հռիփսիմե

Ծրագիր՝

•   Էջմիածնի Սբ․ Հռիփսիմե եկեղեցի
  «Մեծամորի»  պատմահնագիտական արգելոց-թանգարան
• Եզդիական Զիարատ տաճար
• Մրգաշատի Սբ․ Աստվածածին եկեղեցի
• Խաղողի բերքահվաք/ իծապտուկ / 5 կգ
• Գինու հյուրասիրություն 

Մեր այսօրվա յուրահատուկ տուրը սկսում ենք Էջմիածնի Սուրբ Հռիփսիմե եկեղեցու այցելությամբ, այն ներառված է ՅՈՒՆԵՍԿՕ-ի համաշխարհային ժառանգության ցուցակի մեջ։

Ճանապարհը կշարունակենք դեպի «Մեծամորի»  պատմահնագիտական արգելոց-թանգարան: Մեծամոր հնագույն ամրոց-բնակատեղին համաշխարհային մշակույթի յուրահատուկ հուշարձաններից է: 1965 թ. մինչև այժմ Մեծամորում պարբերաբար պեղումներ են կատարվում: Պեղված մշակութային շերտերը վերաբերում են բրոնզի և երկաթի պարբերաշրջաններին: Պեղված նյութերը վկայում են, որ բրոնզի պարբերաշրջանում (մ.թ.ա. IV-II հազ.) Մեծամորը մշակույթի ծաղկուն կենտրոն է, ուներ կիկլոպյան պարսպով շրջապատված միջնաբերդ և աստղադիտարան:

Հաջորդ կանգառը Ակնալիճում գտնվող աշխարհի ամենամեծ եզդիական Զիարատ տաճարն է, որը կառուցվել  է 2012 թ.-ին:  Սրբատեղիի տարածքում տեղ է գտել նաև «Հայ-եզդիական բարեկամության» հուշահամալիրը:

            Տուրի հաջորդ տեսարժան վայրը Մրգաշատ գյուղի Սուրբ Աստվածածին եկեղեցին է, որը կառուցվել է 1865 թ․-ին, որից հետո՝ 1903 թվականին օծվել է։ Եկեղեցու կառուցման տեղում նախկինում եղել է մատուռ։ Եկեղեցին բազիլիկ տիպի կառույց է, հողածածկ տանիքով, կառուցված է սև և դեղին տուֆ տեսակի քարից։ Եկեղեցուն կից եղել է նաև դպրոց։

Տուրը կավարտենք իծապտուկ տեսակի խաղողի բերքահավաքով, գինու և քաղցրավենիքի հյուրասիրությամբ։ Ձեր հավաքած 5 կգ խաղողը տանում եք ձեզ հետ։

Մեկնում՝ 10:00
Վերադարձ՝ 18:00
Մեկնելու վայր՝ Հակոբ Հակոբյան 1/ Մերգելյան ինստիտուտի հարևանությամբ

·