Յոգա / Խնձորի բերքահավաք Ծաղկեվանք, Մուղնի, Սաղմոսավանք

• Մուղնիի Ս.Գևորգ վանք
• Սաղմոսավանք վանական համալիր 
• Ծաղկեվանք
• Յոգայի պարապմունք
• Խնձորի բերքահավաք

Շարունակում ենք զբաղվել յոգայով՝ բնության գրկում: Այս անգամ  խնձորի այգիներում:

Յոգան մտքի, մարմնի և հույզերի  ներդաշնակեցմանը նպաստող գիտություն է, ճնշող մտքերից ազատվելու գերազանց միջոց: Կրթելով մարմինն ու հոգին՝ այն նպաստում է խորը ինքնաճանաչմանը: Նպաստելով ընդհանուր առողջացմանը, մարմնի ճկունության ձեռքբերմանը, քաշի նվազմանը, հոդերի շարժունակության վերականգնմանը, ճիշտ շնչառության ձևավորմանը՝ յոգան բնության գրկում  մի առանձնահատուկ փորձ է: Այն պարգևում է ձեզ  անկրկնելի  պահեր: 

Տուրի առաջին կանգառը կլինի Մուղնիում: Ըստ XVII դարի պատմագիր Զաքարիա Սարկավագի՝ Մուղնիի Ս.Գևորգ վանքը հիմնադրել է Հովհաննավանքի միաբանությունը: Հավանաբար դա տեղի է ունեցել XIII դ. 1-ին կեսին, որովհետև արդեն 1278-ին Մուղնիի Ս. Գևորգ վանքում ձեռագիր է ընդօրինակվել: XIII-XV դդ. այստեղ ձեռագրեր են գրվել, վանքը դարձել է հռչակավոր ուխտատեղի: Վանքը ծաղկում է ապրել XVII դարում, երբ համալիրը 2 անգամ հիմնովին վերականգնվել է: 1632-55-ին վանքի առաջնորդ Մարտիրոս եպիսկոպոսը քանդել է արդեն խարխուլ եկեղեցին ու մյուս շինությունները և կառուցել նորերը` 2 զույգ մույթերով եռանավ բազիլիկը, պարիսպներ և խցեր: Սակայն 1664թ. Հովհաննես վարդապետը հիմնովին քանդել է այն և սրբատաշ տուֆ քարերով 1664-69-ին կառուցել նորը:

Այնուհետև կուղևորվենք դեպի Սաղմոսավանք: Հայկական այս առաքելական վանական համալիրը  գտնվում է Քասախ գետի ձախ, բարձրադիր գեղատեսիլ հատվածում։ Կառուցվել է 13-րդ դարում Այրարատյան կողմնակալության կողմնակալ Վաչե Ա Վաչուտյանի և իր իշխանական ընտանիքի կողմից։ Սաղմոսավանք բառը առաջացել է սաղմոն բառից:  Սաղմոսը հոգևոր երգն է։ Աշխարհում միակ վանքն է, որ այստեղ հնչած սաղմոսների անունով Սաղմոսավանք է կոչվել։ Եվ իսկապես, վանական այս համալիրը հրաշալի ակուստիկա ունի: Վանքից դեպի կիրճ գեղեցիկ տեսարան է բացվում:  

Ճանապարհը կշարունակենք դեպի Արա լեռը, որտեղ դեռ ձմեռ է տիրում: Այստեղ է գտնվում քարանձավում փորած Ծաղկեվանքը կամ Կույս Վարվառան: Տեղի բնակիչները Ծաղկեվանքում են տոնում քրիստոնեական տոները։ Մամռոտ վանքի մեջ կա մի աղբյուր, որը, ըստ հավատալիքների, առողջարար հատկություններ ունի: Ջուրը ցինկի բարձր պարունակության շնորհիվ նպաստում է մի շարք հիվանդությունների (տեսողության խանգարման, հոդերի հիվանդության, մկանների ջղաձգության) բուժմանը։ Տեղի բնակիչները այդ ջուրը «Սուրբ ջուր» են անվանում։ Ծաղկեվանքը Կույս Վառվառայի մահարձանն է համարվում։ 

Տուրը կամփոփենք յոգայի պարապմունքով և խնձորի բերքահավաքով:

Մեկնում՝ 10:00
Վերադարձ՝ 19:30
Մեկնելու վայր՝  Հակոբ Հակոբյան 1/ Մերգելյան ինստիտուտի հարևանությամբ