Վիշապալիճը (Գեղարդալիճ, Գեղարդա լճակ, Թոխմախան գյոլ, Վանքի գյոլ, Վանքի լիճ, Վիշապի լիճ) գտնվում է Հայաստանի Կոտայքի մարզում, Գողթ գետի վերնագավառում, Թառնիստ սարավանդի արևմտյան մասում, Գեղարդ գյուղից 9 կմ արևելք՝ ծովի մակարդակից 2620 մ բարձրության վրա: Լճի մակերեսը կազմում է 30 հա։ Վիշապալիճը շրջապատված է Վիշապասար և Աժդահակ բարձր լեռներով:
Լիճը վերանորոգել էր Գեղարդավանքի վանահայր Վարդան վարդապետը, բայց լճի ջուրը խորտակել էր պատնեշը հեղեղել Ազատ գետի վերնագավառը։ Այժմ վերականգնված է, ջրերն օգտագործվում են ոռոգման նպատակներով։
Լիճը գրանցված է Հայաստանի Հանրապետության Բնապահպանության նախարարության բնության պետական հուշարձանների ցանկում։ Բնության պետական հուշարձանների ցանկում ներառվել է 2008 թվականին:
Լճից ոչ հեռու կանգնեցված է երկու վիշապաքար, որոնք ունեն 2-3 հազարամյա պատմություն: Նրանցից մեկի բարձրությունը հասնում է 3,5 մետրի, մյուսը ավելի փոքր է: Վիշապաքարերի վրա արագիլ է պատկերված:
Դեպի լիճ կարելի է հասնել ամենագնացով կամ ոտքով (մոտ 15 կմ անցնում ենք դժվարանցանելի և քարքարոտ ճանապարհով): Լիճ տանող ճանապարն անցնում է Գեղարդի կիրճով, որտեղից կախարդական տեսարան է բացվում և երևում է Գեղարդի վանքը:
