Անհատական / Ծաղկաձորի, Հանքավանի Տաք ջրեր

Ծրագիր՝ 
180 կմ 

• Օրբելի եղբայրների տուն-թանգարան
• Ծաղկաձորի Կեչառիսի վանական համալիր
• Ծաղկաձորի ճոպանուղի
• Հանքավանի ջրամբար
• Հանքավանի Սուրբ Գևորգ հունական եկեղեցի
• Հանքավանի տաք ջրեր
  
  

  Այս յուրահատուկ տուրը կսկենք Ծաղկաձորի սառը լեռներից և կավարտենք Հանքավանի տաք ջրերով: 

  Առաջին կանգառը կլինի Ծաղկաձորում, որտեղ կայցելենք Օրբելի եղբայրների տուն-թանգարանը, կունենանք ազատ ժամանակ, ցանկացողները կարող են նստել ճոպանուղի:

  Ծաղկաձորում կայցելենք նաև Կեչառիսի վանական համալիրը, որն ընդգրկում է չորս եկեղեցի, գավիթ, մատուռներ և շուրջ երեք տասնյակ խաչքարեր: Համալիրը ձևավորվել ու ամբողջացել է Պահլավունի և Պռոշյան (Խաղբակյան) իշխանների ջանքերով XI-XIII դ։

  Այնուհետև կշարժվենք դեպի Հանքավան, ճանապարհին կտեսնենք Հանքավանի գեղատեսիլ ջրամբարը:

             Հանքավանում կտեսնենք մի յուրահատուկ հունական գյուղ և եկեղեցի, որը կարելի է համարել Հանքավանի խորհրդանիշերից մեկը: Դեռևս 1989 թվականին Հանքավան գյուղում ապրում էին 250 հույն։ Այսօր գյուղում մնացել է ընդամենը երեք հունական ընտանիք։  Հանքավանի 19-20-րդ դարերի գերեզմանոցը այն բանի վառ վկայությունն է, թե որքան մեծաթիվ են եղել հույներն այս գյուղում։ Հանքավանի հունական հետքի ամենացայտուն վկայությունը Այոս Գեորգիոս՝ Սուրբ Գևորգ եկեղեցին է, որը կառուցվել է 1850-1890-ական թվականներին։ 

  Հանքավանում կհանգստանանք և կճաշենք տաղավարում: 

  Տուրի վերջին կետը՝ Հանքավանի տաք ջրերն են, ցանկացողները կարող են լողանալ կամ զբոսնել անտառում:

  Հանքավանի այցեքարտերն են լեռնային առողջարար կլիման ու «Հանքավան» հանքային ջուրը։ Հանքային ջրերի աղբյուրները դուրս են գալիս Մարմարիկ գետի կիրճերից: Հանքավանի բուժիչ ջրերը Եսենտուկիի հանրաճանաչ հանքային ջրերի նմանակն են: Նշենք, որ Հանքավանի հանքային ջուրը պարունակում է միացությունների մի ամբողջ փունջ՝ քլորիդ-նատրիում-կալցիում-մագնեզիում, և ահա այս բացառիկ բաղադրության շնորհիվ նպաստում է մարդու օրգանիզմի վերականգնողական գործընթացների ակտիվացմանը: Հանքավանի բուժիչ ջրերը, ցեխային վաննաները ցուցված են հատկապես ստամոքսաղիքային հիվանդությունների և նյութափոխանակության խանգարումների դեպքում։

   

  Մեկնում՝ 09:00
  Վերադարձ՝ 20:30
  Մեկնելու վայր՝ Հակոբ Հակոբյան 1/ Մերգելյան ինստիտուտի հարևանությամբ

  
  1 անձը - 55․000 դրամ,
  2-3 անձ - 35․000 դրամ,
  4-10 անձ - 25․000 դրամ,
  11-20 անձ - 18․000 դրամ,
  21-30 անձ - 11․000 դրամ