Անհատական / Երերույքի տաճար

• Գուսանագյուղ
• Դիտամրոց, եկեղեցի
• Ախուրյանի ջրամբար
• Ջրափիի «Սուրբ Աստվածածին» եկեղեցի
• Ջրափիի իջևանատուն
• Հայկաձոր (այստեղից սահմանային փշալարերի հետևից հեռադիտակով կտեսնենք Անին)
• Հայկաձորի Կարմիր վանք՝ սահմանային փշալարերի հետևից
• Երերույքի տաճար
  
  
  
  Առաջին կանգառ՝ Գուսանագյուղ: Այն հիմնադրվել է 1830-ական թ. Արևմտյան Հայաստանից եկած գաղթականների կողմից: Գուսանագյուղի սահմաններում պահպանվել են նախնադարյան, նախաքրիստոնեական և քրիստոնեական շրջաններին պատկանող հուշարձաններ: Հնագիտական ուսումնասիրություններն ապացուցել են, որ գյուղը հին ժամանակներում եղել է մեծ ավան: Գուսանագյուղը եղել է նաև հայտնի իշխանանիստ վայր, որի ապացույցն է գյուղում պահպանված X-XII դդ. ամրոց-դղյակը/Դիտամրոցը/, որին գյուղացիները անվանում են «Ղուլա»: Այստեղ կտեսնենք նաև XI դ. կանգուն եկեղեցին:
  
  Այնուհետև Ախուրյանի ջրամբարի երկայնքով կշարունակենք ճանապարհը դեպի Ջրափի: Հայ-թուրքական ներկայիս սահմանի մի մասն անցնում է ոչ թե ցամաքով, այլ ջրով՝ Ախուրյանի ջրամբարով, որի կառուցման համար 1975-1982 թ. ընկած ժամանակահատվածում այլ վայրեր է տեղափոխվել մի քանի գյուղ, այդ թվում՝ Շիրակավանը։ Փաստորեն հայ-թուրքական սահմանն անցնում է հենց ջրամբարի միջով (սահմանը կտեսնենք փշալարերի հետևից):
  
  Ջրափիում կտեսնենք իջևանատունը և եկեղեցին: Ներքին Ջրափի գյուղում պահպանվել է քարավանատան ավերակ շենքը։ Քարավանատունը 10-11 դդ. կառույց է և պատկանում է միադահլիճ-եռանավ կամարակապ տիպին։
  
  Հաջորդ կանգառը սահմանամերձ Հայկաձոր գյուղն է, որտեղից հեռավոր մի կետում նշմարվում է Անին (այն, ավաղ, կտեսնենք փշալարերի հետևից՝ հեռադիտակով): Այստեղից կտեսնենք նաև Հայկաձորի Կարմիր վանքը (նույնպես սահմանային փշալարերի հետևից):
  
  Տուրի վերջին կանգառն է Երերույքի տաճարը, որը գտնվում է Անիպեմզա գյուղի արևելյան եզրին, Երերույքի արհեստական ջրամբարի (IV-V դդ.) պատնեշի հյուսիսարևմտյան կողմում: Հուշարձանը հայկական դասական ճարտարապետության և վաղ շրջանի քրիստոնեական արվեստի նվաճումներից է: Տաճարը (V-VI դդ.). արտաքին կամարակապ սրահներով եռանավ բազիլիկ է: Կառուցվել է Անիի բաց նարնջագույն տուֆից:

Մեկնում՝ 10:00

Վերադարձ՝ 21:00

Մեկնելու վայր՝ Հակոբ Հակոբյան 1/ Մերգելյան ինստիտուտի հարևանությամբ

1 անձը - 50․000 դրամ,
2-3 անձ - 35․000 դրամ,
4-10 անձ - 25․000 դրամ,
11-20 անձ - 20․000 դրամ,
21-30 անձ - 10․000 դրամ