Անհատական / Ենոքավան, Լաստիվեր, YELL Extreme Park

• Սեւանավանք
• Լաստիվեր
• Ենոքանան
• YELL EXTREME PARK

Արկածների սիրահարների համար առաջարկում ենք տուր դեպի Ենոքավան:

Տուրը կսկենք Սեւանավանքից, որը գտնվում է Սևանա լճի թերակղզում: Համալիրի առաջին եկեղեցին կառուցվել է Սևանի կղզում 305 թվականին՝ Գրիգոր Լուսավորչի կողմից։ Սևանավանքը հայտնի է նաև «Մարիամաշեն» անունով, այսինքն՝ «Մարիամի կողմից կառուցված»։ Եկեղեցիներից մեկի վրա հայտնաբերված արձանագրությունը վկայում է, որ Սևանավանքը հիմնադրվել է արքայադուստր Մարիամի կողմից՝ 874 թվականին:

 Դեպի Լաստիվեր քայլարշավը սկսվելու է Ենոքավան գյուղից, որի ընդհանուր երկարությունը մոտ 6 կմ է (միջին բարդության քայլարշավ է, անհրաժեշտ է կրել սպորտային կոշիկներ, հարմարավետ հագուստ և կրել գլխարկ): Լաստիվերը գտնվում է Խաչաղբյուր գետի կիրճում:

Լաստիվերում մեզ սպասում են բազմադարյա քարանձավները, գեղատեսիլ ջրվեժը,  ծառերի վրա կառուցված յուրահատուկ խրճիթներն ու տնակները և հիասքանչ բնությունը: Քարանձավները գտնվում են հսկայական կիրճի եզրին, և այստեղ բարձրանալու համար մարդիկ գերաններից աստիճան են կառուցել, որը նման էր լաստի, ինչն էլ պատճառ դարձավ վայրը «Լաստիվեր» անվանել:

Yell Extreme Park-ում ցանկացողները կարող են զիպ լայն նստել, օգտվել պարանային այգուց, ձիավարությամբ զբազվել և վայելել ակտիվ հանգիստը:  

1 անձը - 60․000 դրամ,

2-3 անձ - 35․000 դրամ,

4-10 անձ - 25․000 դրամ,

11-20 անձ - 17․000 դրամ,
21-30 անձ - 12․000 դրամ