Անհատական / Իջևան / Գինու տուր

• Սեւանավանք
• Իջևանի դենդրոպարկ
• Մակարավանք
• Իջևանի գինու-կոնյակի գործարան

Տուրը կսկենք Սեւանավանքից, որը գտնվում է Սևանա լճի թերակղզում: Համալիրի առաջին եկեղեցին կառուցվել է Սևանի կղզում 305 թվականին՝ Գրիգոր Լուսավորչի կողմից։ Սևանավանքը հայտնի է նաև «Մարիամաշեն» անունով, այսինքն՝ «Մարիամի կողմից կառուցված»։ Եկեղեցիներից մեկի վրա հայտնաբերված արձանագրությունը վկայում է, որ Սևանավանքը հիմնադրվել է արքայադուստր Մարիամի կողմից՝ 874 թվականին:

Սևանով վանքից զմայլվելուց հետո կշարունակենք ճանապարհը դեպի Իջևան: Այստեղ կանգ կառնենք Իջևանի դենդրոպարկում, որտեղ կհանգստանաք և կզբոսնենք: Դենդրոպարկը հիմնադրվել է 1962 թ-ին Լյուդվիգ Սայադյանի կողմից։ Դենդրոպարկում է գտնվում աշխարհում միակ արջատխլենու արահետը, կան հսկա սեյբաներ, վայրի լիմոնենիներ, վայրի խնձորենի։

Այնուհետև կուղևորվենք դեպի Մակարավանք: X-XIII դդ. դարերի հայկական այս վանական համալիրը գտնվում է Աչաջուր գյուղից 3 կմ հարավ-արևմուտք, Պայտաթափ լեռան լանջին: Համալիրը բաղկացած է գլխավոր եկեղեցուց, գավիթից և 2-րդ հնագույն եկեղեցուց: Գլխավոր եկեղեցին կառուցվել է 1205 թ-ին։

Տուրը կավարտենք Իջևանի գինու-կոնյակի գործարանի այցելությամբ, որտեղ կկատարենք շրջայց գործարանով և կհամտեսենք Սարգոն սպիտակ չոր, կարմիր չոր, Նուռ մրգային կիսաքաղցր գինիները, 5 տարվա հնեցված կոնյակը, ինչպես նաև պանրի տեսականիները: Այստեղ կարող ենք նաև գնումներ կատարել:

1 անձը - 65․000 դրամ,
2-3 անձ - 40․000 դրամ,
4-10 անձ - 30․000 դրամ,
11-20 անձ - 22․000 դրամ,
21-30 անձ - 15․000 դրամ